• A Fundación Ecotic colabora con Ambientech a fin de aportar o seu coñecemento e colaboración no itinerario dedicado á economía circular e orientado a escolares de primaria e secundaria.
• No mesmo abórdanse temáticas tales como a obsolescencia programada, o ciclo da materia aberto e pechado, a biodegradación dos residuos e a sostibilidade do planeta, entre outros.

Cerceda, a 27 de maio de 2020.-  A Fundación Ecotic, Sistema Colectivo de Responsabilidade Ampliada do Produtor (SCRAP) para a reciclaxe de residuos de aparellos eléctricos e electrónicos (RAEE), sumouse ás entidades que impulsan os recursos educativos de Ambientech, orientados á mellora do medio ambiente a saúde.

En concreto, aporta o seu coñecemento e colaboración no itinerario dedicado á economía circular e orientado al alumnado de primaria e secundaria, xunto a outras entidades tales como CASIO, Suez, Cellnex, Ambilamp e Signus.

Así mesmo, Ecotic participará na moderación dos Debates Interescolares, que se organizarán en grupos segundo áreas temáticas, e que serán conducidos por un experto en cada área. Se ben estaba previsto que se celebrasen de forma presencial, adaptáronse para levarse a cabo de forma telemática debido á situación derivada da pandemia do COVID-19.

Ambientech, asociación sen ánimo de lucro que desde 2001 investiga a influencia das novas Tecnoloxías da Información e a Comunicación (TIC), creou un programa educativo que utiliza as TIC como ferramenta básica para a formación en Educación Primaria e Secundaria, dado que estas confórmanse como a linguaxe base da actual cultura tecnolóxica dos máis novos.

No itinerario específico de economía circular, defínese en que consiste este modelo de desenvolvemento e móstranse as accións que se poden levar a cabo a nivel individual para contribuír á sostibilidade do planeta. No mesmo desgránanse aspectos como a obsolescencia programada, o ciclo da materia aberto e pechado, a biodegradación dos residuos, a regra das 5R e o ciclo da auga na sociedade, entre outros. Todos eles coa finalidade de axudar aos alumnos participantes a entender o concepto desde unha visión tanto global como concreta.

Asituación de confinamento propiciou que os recursos educativos online teñan adquirido unha especial relevancia como soporte do labor da actividade docente.

https://ambientech.org/economia-circular

Fonte: Interempresas

Imaxe: Pixabay