• Están fabricados con materiais biodegradables e ecolóxicos, e son moito máis baratos que os actuais, por outra banda difíciles de interpretar.
• Detectan os gases en descomposición tales como amoníaco e a trimetilamina e os datos pódense ler nos teléfonos intelixentes con só colocalos  xunto ao envase para comprobar se o alimento en cuestión é seguro ou non.
• Os científicos argumentan tamén que estes sensores poderían axudar a reducir a xeración de residuos plásticos, pois moitos dos alimentos refúganse xunto co propio envase.
• O estudo foi publicado na revista ACS Sensors, da Sociedade Química Americana.

Cerceda, a 28 de xuño de 2019.- Investigadores do Imperial College de Londres (Reino Unido) desenvolveron uns sensores que poderían axudar a reducir o desperdicio alimentario en supermercados e fogares, representando unha alternativa fiable á tradicional data de caducidade.

Ao parecer, os prototipos de sensores desenvolvidos en laboratorio custan menos de dous céntimos de euro cada un, fronte aos sensores que existen a día de hoxe e que non se usan habitualmente debido a un alto prezo, podendo representar unha cuarta parte dos custos de envasado, coa particularidade de que son moi difíciles de interpretar.

Estes novos denomínanse “sensores de gas eléctricos a base de papel” e detectan os gases en descomposición tales como amoníaco e a trimetilamina na carne e os produtos pesqueiros. Os datos do sensor pódense ler nos teléfonos intelixentes con só colocar o smartphone xunto ao envase para comprobar se o alimento en cuestión é seguro ou non.

Os sensores foron creados con materiais biodegradables, son ecolóxicos e non tóxicos, e combínanse con etiquetas NFC (Near Field Communication), que inclúen microchips que poden lerse en dispositivos móbiles próximos.

Os investigadores consideran que os sensores poderían reemprazar eventualmente a data de caducidade, son máis fáciles de interpretar e os custos máis baixos para os minoristas poderían contribuír a minorar o prezo dos alimentos para os consumidores finais.

Aseguran igualmente que estes sensores poderían axudar a reducir a xeración de residuos plásticos, pois moitos dos alimentos refúganse xunto co propio envase. Outras vantaxes fronte aos sensores de gas actuais é que funcionan de xeito efectivo con case o 100% de humidade e a temperatura ambiente, e son sensibles só aos gases involucrados no deterioro de alimentos, mentres que outros sensores poden ser activados por gases non daniños.

O estudo foi publicado na revista ACS Sensors, da Sociedade Química Americana

Segundo estes científicos, as datas de caducidade, aínda que moi útiles, non teñen en conta as condicións de almacenamento e procesamento de alimentos específicos, polo que poden levar a comercios e a consumidores a refugar alimentos seguros e comestibles.

Fonte: Residuos Profesional

Imaxe: Pixabay

Saúdos, Departamento de Comunicación