• Este estudo realízase no marco do proxecto europeo Smart Proteín, que está dotado cun orzamento total de 9,6 millóns de euros, dos cales 8,2 millóns proveñen da Comisión Europea.
• O obxectivo do mesmo é dar resposta directa a algúns dos desafíos futuros máis importantes aos que se enfronta o planeta, incluíndo o cambio climático e a seguridade alimentaria mundial.
• O proxecto arrincará en 2020 e agárdase que a primeira onda de produto saia ao mercado cinco anos despois, ao redor de 2025.
• Dirixido pola Facultade de Ciencias da Alimentación e Nutrición da Universidade College Cork de Irlanda, colaboran nesta iniciativa un total de 33 socios da industria, a investigación e o mundo académico de 21 países diferentes, incluído España.

Cerceda, a 7 de outubro de 2019.-  Un proxecto europeo denominado Smart Proteín, pretende crear unha gama de innovadores alimentos de orixe vexetal con novas proteínas. Para isto utilizará subprodutos de pasta, pan e cervexa, que se reintegrarán á cadea alimentaria mediante a reciclaxe.

As novas proteínas de orixe vexetal incluirán carnes, peixe, mariscos, queixo, fórmulas infantís e outros produtos lácteos, así como produtos enfornados, todos eles baseados en plantas.

O proxecto, dotado cun orzamento total de 9,6 millóns de euros, dos cales 8,2 millóns proveñen da Comisión Europea, arrincará en 2020 e agárdase que a primeira onda de produto saia ao mercado cinco anos despois, ao redor de 2025.

O principal obxectivo desta iniciativa é axudar a crear subministracións mediante a fabricación de proteínas alternativas, sustentables e nutritivas. Deste xeito daríase resposta directa a algúns dos desafíos futuros máis importantes aos que se enfronta o planeta, incluíndo o cambio climático e a seguridade alimentaria mundial.

Tamén se prevé desenvolver novos produtos a partir de plantas como fabas, lentellas, garavanzos ou quinoa, pero enfocándose en mellorar a súa estrutura e sabor.

33 SOCIOS DE 21 PAÍSES

Un total de 33 socios da industria, a investigación e o mundo académico de 21 países diferentes, incluído España, colaboran en Smart Proteín, que está dirixido pola Facultade de Ciencias da Alimentación e Nutrición da Universidade College Cork de Irlanda.

Verena Wiederkehr, directora internacional de Alimentos, Industria & Retail de ProVeg Internacional, unha das organizacións que colaboran nesta iniciativa, asegura que “Smart Protein responde a un toque de atención: as fontes alternativas de proteínas son vitais para enfrontar os desafíos urxentes que expón o sistema alimentario mundial en termos de destrución ambiental, cambio climático, seguridade alimentaria e saúde pública”, ao que engade que “o proxecto reconsidera toda a cadea de valor da proteína, desde a produción ata o consumo, utilizando técnicas e procesos innovadores nunca antes despregados a esta escala para o consumo humano”.

Pola súa banda, o xefe de investigación da Universidade de Cork e coordinador principal de Smart Protein, Emanuele Zannini, manifesta que “non se pode subestimar o posible impacto positivo de Smart Protein para o planeta e para a nosa subministración de alimentos. Ao usar subprodutos e residuos, que xeralmente se empregan para a alimentación animal, para producir alimentos deliciosos e ricos en proteínas, estamos a dar grandes pasos cara á alimentación dunha poboación en rápido crecemento”.

Fonte: Residuos Profesional

Imagen: Pixabay

Saúdos, Departamento de Comunicación