• Está integrado por persoas de gran relevancia en Galicia en diversos ámbitos vinculados ao medio ambiente.
• Coordinada por Juan M. Lema Rodicio, prestixioso Catedrático do Departamento de Enxeñería Química, CRETUS (Cross-Research in  Environmental Technologies) é unha agrupación estratéxica conformada por oito  grupos de investigación da USC.
• Entre as distintas liñas de investigación que aborda atópase a xestión do ciclo da auga, a remediación e uso sostible do solo e a xestión e valorización de residuos.

Cerceda, a 2 de xullo de 2019.- O director xeral de Sogama, Isidro García Téllez, foi convocado á reunión que a Agrupación Estratéxica CRETUS manterá co seu comité social e empresarial, do que Sogama forma parte. Terá lugar mañá, 3 de xullo, no Centro de Estudos Avanzados (CEA) de Santiago de Compostela.

Constituída no ano 2015 e coordinada por Juan M. Lema Rodicio, prestixioso Catedrático do Departamento de Enxeñería Química da USC, CRETUS (Cross-Research in  Environmental Technologies) é unha agrupación estratéxica integrada por oito  grupos de investigación da Universidade de Santiago de Compostela cuxo obxecto é desenvolver e avaliar tecnoloxías ambientais sostibles, ademais de buscar solucións coas que minimizar impactos e riscos, tratando de recuperar recursos a través de procesos sostibles desde a dimensión ambiental, económica e social.

Conformada por medio centenar de profesores e noventa investigadores pertencentes a distintos ámbitos, está apoiada por outros  tres grupos de investigación en áreas relevantes para a agrupación, así como por trece empresas e institucións que desenvolven a súa actividade no sector ambiental, entre as que se atopa a Sociedade Galega do Medio Ambiente.

A agrupación busca accións conxuntas a través das cales posibilítese a integración de varios grupos para operar baixo unha óptica máis interdisciplinar e holística.

Así, entre as distintas liñas de investigación que aborda atópase a xestión do ciclo do auga, a remediación e uso sostible do solo e a xestión e valorización de residuos. Neste último caso, é preciso destacar que CRETUS ten abertas liñas de investigación na produción de biopolímeros (produción de bioplásticos biodegradables), na recuperación de biometano e na extracción de compostos bioactivos de orixe natural.

Neste sentido, é preciso recordar que a redución de plásticos e a súa substitución por materiais  reciclables, a redución e reaproveitamiento dos residuos alimentarios, e o uso da biomasa e a produción de biomateriais son algúns dos puntos clave sobre os que xira a estratexia europea de economía circular

Incídese así na importancia da multidisciplinariedade na investigación, pois as actitudes sociais fronte á  reutilización e a reciclaxe de residuos ou subprodutos pode ser determinante para o éxito ou fracaso das estratexias.

Toda a información en http://www.usc.es/cretus/   

Saúdos, Departamento de Comunicación