• Inclúe o compromiso de converterse en carbono neutrais para 2030 ou, todo máis tardar, para 2050; mobilizar máis recursos para a investigación do cambio climático; e elevar o papel da educación ambiental e sobre sostibilidade.
• A expectativa agora é que se incorporen a este compromiso máis de 10.000 institucións de educación superior.

Cerceda, a 15 de xullo de 2019.- Máis de 7.000 universidades dos seis continentes alzaron as súas voces na loita contra o cambio climático.

A necesaria transformación social súmase a un plan de acción que inclúe o compromiso de converterse en carbono neutrais para 2030 ou, todo máis tardar, para 2050; mobilizar máis recursos para a investigación do cambio climático orientada á acción e a creación de habilidades; e elevar o papel da educación ambiental e sobre sostibilidade a través de programas específicos de estudo e de divulgación en campus e comunidades.

Trátase da primeira vez na que o sector universitario de distintos puntos do mundo reúnese para formalizar un compromiso colectivo de cara á urxencia climática. A iniciativa está encabezada pola Alianza para o Liderado en Sostibilidade na Educación (FAUC), a organización Second Nature, con sede en Estados Unidos, e a Alianza de Xuventude e Educación de ONU Medio Ambiente.

O documento foi asinado por casas de estudo como a Universidade Tongji (China), a Universidade Estatal de California (EE.UU.), a Universidade de Zayed (Emiratos Árabes Unidos), a Escola de Negocios KEDGE (Francia), a Universidade Strathmore (Kenia), a Universidade de Guadalajara (México) e a Universidade de Glasgow (Reino Unido).

O anuncio tamén está apoiado polas principais redes de educación a nivel mundial, como é o caso da Alianza Global e a Iniciativa de Liderado Globalmente Responsable, que se comprometeron a cumprir os obxectivos suxeridos.

Algunhas casas de estudo xa tomaron medidas exemplares de sostibilidade, como a Universidade Strathmore de Kenia, que funciona con enerxía limpa e estableceu o seu propio sistema de conexión a unha rede fotovoltaica de 600 quilovatios; e a Universidade Tongji de China, que investiu significativamente nun plan de estudos de educación para a sostibilidade e está animando a outras institucións a facer o mesmo. En Estados Unidos, a Universidade Americana e a Universidade Colgate xa alcanzaron a neutralidade do carbono.

A expectativa agora é que se incorporen a este compromiso máis de 10.000 institucións de educación superior.

Fonte e imaxe: ONU Medio Ambiente

Saúdos, Departamento de Comunicación