- Promovida por Uxer School e Ecoembes, e tras unha xira de Workshops por distintas cidades de España, desenvolveranse dous bootcamps en The Circular Lab, o centro de Innovación en Economía Circular posto en marcha en Logroño da man de Ecoembes.
- Os retos nos que se traballarán durante o Sprint estarán relacionados co cidadán, ideando solucións para mellorar a súa capacidade de reciclaxe, e co ecodeseño, pechando o círculo do produto, a súa distribución e vida útil.
Cerceda, a 20 de marzo de 2019.- The Circular Lab, o centro de Innovación en Economía Circular posto en marcha en Logroño da man de Ecoembes, acollerá durante a primeira quincena de xullo o tramo final dunha nova edición do Circular Design Sprint, programa de referencia en ecoinnovación.
Desde Uxer School, escola especializada en deseño e innovación, e en colaboración con Ecoembes, proponse traballar en diferentes retos relacionados coas solucións para mellorar a capacidade de reciclaxe do cidadán, e co propio ecodiseño, pechando o círculo do produto, a súa distribución e vida útil.
A convocatoria diríxese a profesionais do sector; a estudantes, con alta motivación e espírito emprendedor, que finalizaran recentemente os seus estudos e que estean buscando unha saída laboral no deseño de produtos e servizos enfocados cara á economía circular e o medio ambiente; e tamén a emprendedores que queiran validar a súa idea de negocio, dándolles a oportunidade de aprender a identificar problemas ou necesidades, a definir o comportamento do seu cliente, a pensar en solucións disruptivas e, en definitiva, a desenvolver a capacidade de ir reducindo incertezas mentres constrúen de forma paulatina o seu produto.
Design Sprint de Google ten unha duración de cinco días, período no que os participantes traballan de forma conxunta para atopar respostas a preguntas críticas para calquera proxecto. Durante o sprint, o equipo utilizará técnicas de Design Thinking para xerar novas ideas e validalas con usuarios reais, minimizando desta forma os tempos de desenvolvemento e os riscos na toma de decisións.
PLANNING
O curso estrutúrase en cinco fases perfectamente definidas. O primeiro día orientarase a comprender, é dicir, a definir o problema, articular suposicións, identificar ao consumidor e lograr que todos os stakeholders estean aliñados no mesmo obxectivo e coa mesma información.
O segundo día destinarase a idear, isto é, a explorar as múltiples formas de resolver o problema sen importar a súa viabilidade. Esta liberdade para a exploración e a creatividade coa solución pode traer consigo conceptos e ideas novidosas.
O terceiro día centrarase en decidir cal é a mellor idea e cales se deben abandonar, e no cuarto día débese prototipar, é dicir, débese construír un prototipo de fidelidade media, pero sen articular contido, arquitectura de información e tampouco wireframe.
Xa ao quinto día toca testear, é dicir, probarase a idea nunha contorna real. O obxectivo aquí é validar ou non, e descubrir posibles erros no deseño.
Fonte e imaxe: www.uxerschool.com
Saúdos, Departamento de Comunicación
