• O último informe da ITU/ONU destaca o potencial de oito tecnoloxías  de gran interese para cumprir o ODS 13 sobre acción climática.
• O documento ofrece casos de estudos que exploran aplicacións de tecnoloxías de vangarda para reducir a contaminación do aire e xestionar os residuos electrónicos, respaldar a xestión intelixente da auga e a enerxía, modelar cidades 'xemelgas dixitais' para a redución do risco de desastres, apoiar a agricultura intelixente e a seguridade alimentaria, e monitorear o clima e a biodiversidade.

Cerceda, a 7 de maio de 2020:- Un novo informe da ITU/ONU "Tecnoloxías de fronteira para protexer o medio ambiente e facer fronte ao cambio climático" mostra o potencial das tecnoloxías de vangarda en campos tales como a intelixencia artificial, 5G e a robótica para apoiar a loita contra o cambio climático. O documento adéntrase en  oito campos de innovación: intelixencia artificial (IA); Internet das cousas (IoT); 5G; tecnoloxía de enerxía limpa; xemelgo dixital; robótica Tecnoloxías Space 2.0; e dixitalización e Big Data.

No marco da pandemia orixinada polo COVID-19, o Secretario Xeral da ITU, Houlin Zhao, manifestou ao respecto que “todos estamos interconectados e a nosa resposta debe ser colectiva, en todos os países e sectores, e as tecnoloxías da información e a comunicación (TIC) teñen un papel importante que desempeñar na aceleración de solucións. A forma en que respondemos ao cambio climático, como unha soa humanidade, debe seguir os mesmos principios ". Refírese a este informe como unha chamada á acción para que os gobernos, a sociedade civil, a academia, a comunidade científica e a industria tecnolóxica se unan ás axencias da ONU no seu esforzo por aproveitar as tecnoloxías de vangarda para facer fronte á urxente crise climática.

O informe ofrece casos de estudos que exploran aplicacións de tecnoloxías de vangarda para reducir a contaminación do aire e xestionar os residuos electrónicos, apoiar a xestión intelixente da auga e a enerxía, xerar enerxía limpa, modelar cidades 'xemelgas dixitais' para a redución do risco de desastres, apoiar a agricultura intelixente e a seguridade alimentaria, e monitorear o clima e a biodiversidade do noso planeta.

O documento pon de relevo o obxectivo xeral desta innovación, o logro da Axenda 2030 para o Desenvolvemento Sostible, en particular o ODS 13 sobre Acción Climática, destacando igualmente o potencial das tecnoloxías para apoiar a consecución do obxectivo do Acordo de París da Convención Marco das Nacións Unidas sobre o Cambio Climático (CMNUCC) de limitar o quecemnto global a 1.5 °C por riba dos niveis preindustriais.

No mesmo tamén se advirte de que as tecnoloxías non son unha panacea: o seu éxito na loita contra o cambio climático requirirá o apoio do goberno para a acción climática, a innovación inclusiva que involucre a todos os interesados, o acceso global a novas capacidades tecnolóxicas e as aplicacións de tecnoloxías de fronteira á escala necesaria para lograr impacto global.

ITU é o organismo especializado das Nacións Unidas para as tecnoloxías da información e a comunicación: as TIC.

Fonte: ONU
Imaxe: Pixabay