- Este logro enmárcase no proxecto PLASDECOR, no que participa o Instituto Tecnolóxico da Embalaxe, Transporte e Loxística (ITENE).
- Ademais dos avances propios en tecnoloxías de reciclado de envases plásticos, inclúense melloras nos tratamentos de descontaminación de poliolefinas.
Cerceda, a 10 de novembro de 2020.- Novos tratamentos baseados en marcadores que se activan baixo a luz ultravioleta e aplicados por ITENE (Instituto Tecnolóxico da Embalaxe, Transporte e Loxística), permitirán mellorar o reciclado de envases plásticos nun marco de economía circular.
A través do proxecto PLASDECOR, este centro tecnolóxico abordou algúns dos principais desafíos aos que se enfrontan xestores e recicladores de plástico, como son a identificación e clasificación de materiais para o seu posterior reciclado, así como a súa correcta descontaminación para poder reutilizalos en aplicacións de alto valor (é o caso de envases para contacto alimentario).
Este logro resulta fundamental para alcanzar un aumento da taxa de reciclado de residuos plásticos de envase e dar cumprimento aos obxectivos establecidos pola UE (55% para 2030), coa particularidade de que, tal e como se recolle na Estratexia Europea de Plásticos de 2018, tamén en 2030 a demanda de plástico reciclado en Europa deberá terse cuadriplicado con respecto a 2015.
O desenvolvemento tecnolóxico deste proxecto permitiu adaptar o uso de marcadores conforme ao material do envase, aplicación e contorna real, posibilitando a identificación e separación de envases para conseguir correntes de residuos máis limpas e eliminar materiais non desexados. Ademais, permitirá a xeración de circuítos de reciclado ad-hoc, asegurando a trazabilidade e a dispoñibilidad ede materia prima de alta calidade.
Así mesmo, e co fin de garantir a seguridade alimentaria dos materiais reciclados, os procesos de reciclado deben incluír o paso crítico da descontaminación.
Hoxe en día, materiais como o PET reciclado (r-PET) xa son comúnmente utilizados como materia prima para envases. Con todo, a Unión Europea está potenciando a reciclaxe doutros como as poliolefinas -polietileno (PE) e polipropileno (PP)-, que resultan máis difíciles de descontaminar debido a unha maior migración de contaminantes procedentes de fontes externas ás capas internas do material polimérico. ITENE tamén desenvolveu un proceso de descontaminación de poliolefinas postconsumo.
Fonte e imaxe: ITENE
