• Así o confirma un estudo realizado por Too Good To Go, a  app que loita contra o desperdicio de alimentos.
• Como causas, o 91% dos enquisados sinala a calor, que propicia que a comida se estrague máis rapidamente. Pola súa banda, o 66% asegura que come con máis frecuencia fóra de casa, polo que algúns produtos da despensa ou neveira quedan sen consumir.
• Un 55% di non saber que facer coa comida que sobra e un 51% descoñece como conservar mellor os alimentos.
• Os produtos frescos e máis perecedoiros son os que máis sofren as consecuencias do verán. Un 45% destaca que o que máis tira son froitas, seguido de verduras no 41% dos casos.

Cerceda, a 29 de xullo de 2021.- Os datos constatan que o desperdicio alimentario aumenta en época estival. Tal e como se recolle no último Panel de Cuantificación do Desperdicio Alimentario nos Fogares españois en 2020, entre os meses de primavera e verán desperdiciáronse máis de 650 millóns de quilos de alimentos no ámbito doméstico, o que supuxo un aumento de 7 millóns de quilos respecto da tempada de outono e inverno.

Coa chegada do verán, as vacacións e o cambio de rutinas, os consumidores baixan a garda. Así o confirma un estudo realizado pola app que loita contra o desperdicio de alimentos, Too  Good  To  Go, que revela que o 31% dos españois recoñece que desperdicia máis comida no verán.

A enquisa, realizada polo Instituto IO Sonda para Too Good  To  Go, sinala que, para o 42% dos cidadáns, no verán é máis complicado evitar que sobre comida. Entre os motivos esgrimidos, o 91% sinala a calor, que propicia que a comida se estrague máis rápido. Así mesmo, un 66% asegura que aproveita o bo tempo para saír máis a comer fóra de casa e isto fai que os produtos gardados na despensa ou a neveira queden sen consumir e se estraguen. Pola súa banda, un 55% di non saber que facer coa comida que sobra e un 51% descoñece como conservar mellor os alimentos.

Os produtos frescos e máis perecedoiros son os que máis sofren as consecuencias do verán, destacando, un 45% dos enquisados, que o que máis tiran son froitas, seguido de verduras no 41% dos casos, salsas e aderezos (19%), lácteos (18%) e carne e embutidos (16%).

MÁIS CONCIENCIA

Cada vez son máis os que buscan unha solución para non verse abocados a tirar comida. 1 de cada 2 entrevistados asegura que trata de aproveitar o que sobra a través da elaboración de novos menús, especialmente ensaladas, croquetas e gazpacho, entre outros.

Cando os españois saen a comer fóra, parece que a concienciación e a implicación para non desperdiciar comida é maior. Ao ser preguntados pola súa forma de actuar nos bufés dos hoteis, o 72% asegura que non adoita deixar nada no prato.

En restaurantes, o 63% sinala que pide as sobras para levar, aínda que hai un 25% que non o fai por vergoña.

Desde a app móbil de Too Good To Go axúdase a reducir as cifras de desperdicio. A través da mesma, un elevado número de restaurantes, fruterías e supermercados, entre outros establecementos, venden o excedente de comida diario, que os usuarios poden comprar a prezos reducidos. Desta forma xa conseguiron salvar 3,8 millóns de  packs de comida, o que equivale a evitar o desperdicio de máis de 3.800 toneladas de alimentos.

Fonte: Compromiso  RSE

Imaxe:  Pexels