• Así se deduce dunha enquisa realizada por IPSOS con motivo da conmemoración do Día da Terra (22 de abril).
• Entre os comportamentos que os cidadáns están dispostos a adoptar para reducir o seu propio impacto sobre o medio ambiente figuran, entre outros, evitar os produtos que teñan moito embalaxe para minorar a cantidade de lixo xerada e adquirir produtos máis sans e respectuosos coa contorna.

Cerceda, a 28 de abril de 2020.- No marco da conmemoración do Día da Terra, que tivo lugar o pasado 22 de abril, IPSOS levou a cabo unha enquisa cuxos resultados poñen de manifesto as inquietudes e percepcións que os cidadáns teñen cara aos problemas medioambientais. 

A nivel global, os tres considerados como máis importantes son o cambio climático (37%), a contaminación do aire (33%) e a elevada xeración de residuos (32%). 

No noso país, o cambio climático tamén ocupa a primeira posición (39%), pero con todo os españois móstranse máis preocupados pola produción de lixo (36%) que pola calidade do aire que respiran diariamente (33%). O 73% cre que, a longo prazo, o cambio climático converterase nun problema tan grave como o é hoxe a crise do coronavirus. Así o ven tamén outros países europeos como Francia (76%), Italia (72%), Alemaña (69%) e Reino Unido (66%). Por su parte, China (87%) é o país que máis apoia esta afirmación, situándose no primeiro posto do ranking, e EEUU o que menos (59%), ocupando o último posto.

A actual crise sanitaria na que todos nos atopamos inmersos traerá consigo cambios sociais, culturais e económicos que tamén afectarán ás percepcións dos cidadáns sobre os problemas medioambientais. En concreto, un 51% dos españois, en liña coa media global, considera que tras esta pandemia a sociedade mostrarase máis concienciada e activista cos problemas relacionados co cambio climático.

Ademais, para o 62% é de vital importancia que o plan de recuperación económica que se leve a cabo trala crise do Covid-19 inclúa accións nas que tamén se teña en conta o cambio climático.

A conciencia medioambiental mellorará notablemente unha vez superada esta crise sanitaria, facendo que un 83% dos españois se amosen máis interesados en comprar produtos sans e respectuosos coa contorna.

CAMBIO DE HÁBITOS

Entre os comportamentos que os cidadáns están dispostos a adoptar para reducir o seu propio impacto sobre o medio ambiente figuran, entre outros, evitar os artigos que teñan moita embalaxe para minorar a cantidade de lixo xerada, reutilizar o que xa teñen, aforrar enerxía e auga na casa, e optar pola mobilidade sostible.

Fonte: IPSOS

Imaxe: Pixabay