- Entre o 70 e o 85% do lixo que acaba no mar do Caribe está conformado por plásticos.
- Os gobernos xa puxeron en marcha distintas iniciativas. Nuns casos, prohibindo os plásticos dun só uso e, noutros, traballando no ámbito lexislativo.
- En xogo está a riqueza ambiental, a saúde e o turismo da rexión.
Cerceda, a 28 de xuño de 2019.- Entre o 70 e o 85% do lixo que acaba no mar do Caribe está conformado por plásticos e os gobernos xa se puxeron mans á obra para preservar a riqueza natural da rexión e minimizar a contaminación mariña.
Algúns decidiron prohibir os plásticos dun só uso, incluíndo as bolsas plásticas e a espuma de poli3stireno, e outros traballan a nivel lexislativo.
Os impactos ambientais, económicos e sociais están constatados. Os residuos plásticos obstrúen os drenaxes, polo cal proliferan os criadeiros de mosquitos, aumentando o risco de transmisión de enfermidades como o dengue; descompóñense en microplásticos que poden introducirse na cadea alimentaria; e afectan seriamente ao turismo, coa contaminación superficial en praias, limitando as actividades recreativas.
Se os patróns de produción e consumo continúan a tendencia mantida ata o de agora, en 2050 haberá máis plástico que peixes nos océanos.
A campaña Mares Limpos, promovida por ONU Medio Ambiente, constitúe o paraugas no que xa se resgardan moitos países a fin de acelerar a acción dos gobernos, a sociedade civil e o sector privado contra o lixo mariño. Nove gobernos do Caribe xa se acolleron á mesma.
O Convenio de Cartaxena para a Conservación e Desenvolvemento do Medio Mariño da Rexión do Gran Caribe é o único acordo ambiental xuridicamente vinculante na rexión. O Programa Ambiental do Caribe de ONU Medio Ambiente alberga a secretaría deste tratado e apoia a implementación do Protocolo sobre a prevención, redución e control da contaminación mariña por fontes e actividades terrestres, e o Plan de Acción Rexional para a xestión dos refugallos mariños.
O Programa Ambiental do Caribe creou en 2018 un mapa interactivo para dar seguimento aos cambios lexislativos respecto de os plásticos.
Fonte: ONU Medio Ambiente
Imaxe: Pixabay
Saúdos, Departamento de Comunicación
