• Logrouno coa súa obra “Santo Estevo e a súa fraga”; unha maqueta deste excepcional paraxe, Santo Estevo de Ermo, caracterizado pola súa rica vexetación e incuestionable beleza paisaxística.
• O traballo, coordinado pola profesora Vanesa Bello Amor, realizouse cun 80% de material de refugallo.
• O obxectivo do certame era precisamente elaborar obras de arte con residuos e que os pequenos fosen capaces de visualizalos como recursos e ata como arte.
• A promoción enmárcase no programa educativo “Recíclate con Sogama”, canalizado a través do Plan Proxecta da Xunta de Galicia, e co que se pretende instaurar a reciclaxe nas aulas.
• O colexio lucense foi obsequiado cunha Tableta e un diploma acreditativo.

Cerceda, a 4 de xuño de 2019.- O CEIP San Cosme de Barreiros (Lugo) recibiu o terceiro premio no marco do concurso escolar “Recíclate con Sogama”, un certame a través do cal pretendíase que o alumnado chegase a visualizar os residuos como recursos e ata como verdadeiras obras de arte.

Co traballo “Santo Estevo e o seu fraga”, os pequenos deste colexio lucense, baixo a coordinación da profesora Vanessa Bello Amor, elaboraron unha maqueta dun excepcional paraxe da zona, Santo Estevo de Ermo, caracterizado pola súa rica vexetación autóctona e unha gran beleza paisaxística. Os escolares deste centro visítanno varias veces ao ano para levar a cabo diferentes actividades educativas tales como recollida de follas, colocación de niños de paxaros, limpeza, etc.

A súa íntima conexión con esta contorna única levoumps a renderlle esta especial homenaxe que foi recoñecida por un xurado que, presidido polo presidente de Sogama, Javier Domínguez Lino, estivo tamén conformado por representantes desta empresa pública e da propia Consellería de Educación, Universidade e Formación Profesional.

RESIDUOS CONVERTIDOS EN BELEZA E ARTE

Para a elaboración da obra utilizaron diferentes materiais de refugallo tales como periódicos, cos que recrearon as montañas; tubos de papel hixiénico para confeccionar os animais; pedras para o río; briks e cartóns para a capela; cortizas de botellas para os troncos das árbores; revistas para as copas destas, o sol e a mecha de Santa Compaña; roupa vella para as peles da fauna, así como caixas de ovos. En definitiva, un traballo no que o 80% do material utilizado estaba conformado por residuos.

No proxecto participaron tamén outros docentes como Mª del Mar Fernández Campos, Begoña Alonso Fernández, Guadalupe Alonso Fernández, Julián Gómez Ramos, Ana Mª Muíña Álvarez, Verónica Ríos Vila e Vanessa Bello Amor.

O galardón consiste nunha Tableat para o centro, así como un diploma acreditativo.

O primeiro premio recaeu no CEIP de Outes (A Coruña), coa súa obra “O mar vence ao plástico”, e o segundo no colexio Possumus de Vigo, co seu traballo “Marnica”, recreando igualmente a loita contra a contaminación mariña.

Cabe recordar que “Recíclate con Sogama” é un programa educativo canalizado a través do Plan Proxecta da Xunta de Galicia que ten por obxecto instaurar a reciclaxe nas aulas e promover unha xestión máis sostible dos residuos. Na edición 2018-2019, están adscritos a esta iniciativa 25 centros de Educación Primaria de toda Galicia, entre os que se atopa o colexio San Cosme de Barreiros.

Saúdos, Departamento de Comunicación