• Tamén formarán parte desta iniciativa, que terá unha duración mínima de 1 ano, os municipios de Zaragoza, Rubí (Barcelona), San Miguel de Abona (Tenerife), Trujillo (Cáceres) e Titulcia (Madrid)
• Un comité de seguimento da FEMP e RE-VISTE será o encargado de supervisar o piloto, no marco do cal se analizarán diversas opcións para a recollida desta fracción de lixo co fin de implementar un sistema eficiente que se adapte a diferentes contextos municipais
• Ao concluír, preténdese elaborar unha guía de boas prácticas orientada aos entes locais para axudarlles a implementar con éxito a recollida selectiva de téxtiles nos seus territorios

Cerceda, a 11 de decembro de 2024.- A FEMP (Federación Española de Municipios e Provincias) colaborará co SCRAP RE-VISTE para desenvolver un programa piloto de recollida de residuos téxtiles e de calzado en seis municipios representativos das diferentes contornas sociodemográficas: Zaragoza, Rubí (Barcelona), San Miguel de Abona (Tenerife), Trujillo (Cáceres), Titulcia (Madrid) e Arbo (Pontevedra).

Así se informou na reunión que a Comisión de Políticas de Auga, Medio Ambiente e Economía Circular da FEMP mantivo onte  na sede da Deputación Provincial de Valladolid.

No marco desta proba piloto, que será supervisada polo Grupo de Traballo do Residuos Téxtil da FEMP e RE-VISTE, analizaranse diversas opcións para a recollida de téxtiles co fin de implementar un sistema eficiente que se adapte a diferentes contextos municipais. As vías de recollida incluirán a instalación de contedores específicos na vía pública e en puntos limpos municipais. Ademais, habilitaranse puntos de recollida en espazos privados como centros comerciais, tendas, colexios e parroquias, ampliando a rede de recolección a diferentes contornas e facilitando a participación cidadá.

Unha vez recollidos, os produtos téxtiles serán transportados a plantas de clasificación, onde se avaliarán seguindo o principio de xerarquía do residuo. Os artigos que se atopen en bo estado destinaranse á venda en tendas de segunda man. Aqueles que non estean en disposición de ser reutilizados, serán clasificados en función da súa composición (como algodón ou poliéster) para facilitar a súa posterior reciclaxe, co obxectivo de transformalos en novos tecidos.

O proxecto piloto terá unha duración mínima dun ano. Ao concluír, preténdese elaborar unha guía de recomendacións que recollerá as boas prácticas identificadas para ofrecer aos entes locais ferramentas e orientacións que lles permitan implementar con éxito a recollida selectiva de téxtiles nos seus territorios.

Sobre RE-VISTE 

Este SCRAP (Sistema Colectivo de Responsabilidade Ampliada do Produtor) está promovido por Decathlon, El Corte Inglés, H&M, IKEA, Inditex, KIABI, Mango, Primark, Sprinter/JD e Tendam, que traballan xuntas para facer efectiva a recollida, reutilización e reciclaxe de téxtiles e calzado en España.

RE-VISTE representa un impulso significativo á economía circular de España, posicionándose como unha ferramenta útil e integral para a xestión dos residuos do sector téxtil e o calzado, e contribuíndo activamente á construción dun futuro máis eficiente e innovador.

Fonte: FEMP

Imaxe: Pixabay