• O 64% das persoas que conformarán a próxima xeración de empresarios familiares considera que as súas compañías deben liderar a aposta pola sostibilidade
• O 55% cre que as súas empresas teñen á sostibilidade no centro de todo o que fan e o 71% asume a súa responsabilidade á hora de loitar contra o cambio climático e as súas consecuencias
• Respecto do futuro, a 72% agarda aumentar o peso da sostibilidade nos investimentos das súas compañías, algo que agora só fai o 28%

Cerceda, a 15 de xullo de 2022.- O crecemento e o impulso das cuestións ambientais, sociais e de goberno (ESG, polas súas siglas en inglés) son as dúas grandes prioridades da próxima xeración de empresarios familiares. Esta é a principal conclusión da Enquisa Global NextGen 2022, elaborada por PwC a partir da opinión de 1.036 futuros empresarios familiares en 68 países.

O 65% da próxima xeración de empresarios familiares -en adiante, NextGen-, asegura que facer crecer as súas compañías é o seu obxectivo top e un 64% considera, ademais, que as súas empresas deben liderar a aposta pola sostibilidade nos negocios. Nesta liña, o 55% cre que as súas empresas teñen á sostibilidade no centro de todo o que fan e o 71% asume a súa responsabilidade á hora de loitar contra o cambio climático e as súas consecuencias.

A NextGen considera que as prácticas empresariais sostibles son parte fundamental do éxito a longo prazo das súas compañías. As áreas nas que, ao seu xuízo, están máis presentes as cuestións ESG son, para o 59%, naquelas relacionadas co crecemento do negocio; para o 50%, na oferta de produtos e servizos axeitados, e, para o 44%, na adopción de novas tecnoloxías. 

Respecto do futuro, a 72% agarda aumentar o peso da sostibilidade nos investimentos das súas compañías, algo que agora só fai o 28%.  Así mesmo, só unha cuarta parte da NextGen di estar implicada, hoxe en día, coa redución do impacto ambiental da súa empresa, mentres que a 65% agarda estalo no futuro.

IMPACTO DA COVID-19

O impacto da COVID-19 foi unha arma de dobre fío para a futura xeración de empresarios familiares. O 43% dos enquisados afirma sentirse agora máis comprometido coa compañía que antes da pandemia e o 56% cre que a comunicación entre os membros da familia sobre o negocio incrementouse durante a Covid. Pero a incerteza xerada neste período tamén parece traducirse nunha maior resistencia dos actuais empresarios familiares a ceder o control das súas compañías e, polo tanto, a que estes se abran paso. Na actualidade, só o 28% dos entrevistados está a xestionar áreas ou operativas relevantes nas súas empresas, en comparación co 48% da mesma enquisa que pWc realizou en 2019, e o 45% considera que, nas circunstancias actuais, é difícil probarse a si mesmo como novo líder ou membro do consello.

O 39% das futuras xeracións afirma que hai certa resistencia dentro da empresa para aceptar o cambio. Con todo, o 61% sinala que a súa familia ten un plan de sucesión e o 39% das xeracións futuras asegura participar na súa elaboración.

DIFERENZAS ENTRE A XERACIÓN ACTUAL E A NEXTGEN

Outra recente enquisa, realizada por PwC, revela que, aínda que están de acordo coa NextGen en moitos aspectos, tamén teñen diferenzas notables. Ambas están comprometidas co crecemento, pero só o 50% da actual cre que a súa empresa ten a responsabilidade na loita contra o cambio climático e as súas consecuencias, por case o 75% da NextGen.  Unha porcentaxe similar da NextGen (76%) considera que a súa empresa contribúe activamente á comunidade, de novo comparado con algo máis da metade (54%) da xeración actual.

Tamén existe unha pequena fenda dixital entre ambas as dúa xeracións. O 42% dos futuros empresarios familiares e o 38% dos actuais cren que os seus negocios teñen fortes capacidades dixitais, aínda que un terzo da NextGen afirma que os seus maiores non entenden completamente as oportunidades e os riscos que supón o dixital para os seus negocios.

Fonte e imaxe: Compromiso RSE