• Malia que o malgaste de alimentos descendeu un 6,3%, só un de cada tres fogares españois afirma non desperdiciar comida e bebida

Cerceda, a 11 de outubro de 2023.- Segundo o informe “Presente e Futuro da Xestión Integral de Desperdicio”, elaborado por Fazla (compañía especializada no desenvolvemento de solucións de xestión integral de residuos impulsadas pola tecnoloxía), o desperdicio alimentario en España alcanza os 1,2 millóns de toneladas.

O documento pretende visibilizar e chamar a atención sobre o problema global do desperdicio e residuos xerados polo tecido empresarial, centrándose principalmente no desperdicio alimentario, pero tamén en industrias non alimentarias como a do plástico,  téxtil e produtos químicos.

Algúns puntos destacados no informe son os seguintes:

• Se ben o desperdicio alimentario descendeu un 6,3% en España no último ano, aínda hai un longo camiño por percorrer, xa que se seguiron desperdiciando máis de 1.200 millóns de quilos de alimentos e bebidas.
• As cifras indican que, no noso país, só 1 de cada 3 fogares non desperdicia alimentos e bebidas.
• Segundo os últimos datos publicados polo Ministerio de Agricultura, Pesca e Alimentación, os fogares que non desperdician alimentos aumentaron do 26% en 2021 ao 29,2% en 2022.
• A cantidade de residuos de produtos non utilizados baixou do 81,1% en 2021 ao 78,6% en 2022, mentres que a cantidade de residuos causada polas sobras  aumentou do 18,9% ao 21,4% no mesmo período.
• Os datos de Nacións Unidas indican que o ecosistema alimentario é responsable de máis do 30% das emisións globais, e a perda e o desperdicio de alimentos agravan o impacto ambiental do mesmo.
• A ONU tamén estima que un cambio cara a opcións de reciclaxe e reutilización ten o potencial de reducir as emisións globais de gases de efecto invernadoiro en ata un 15%. Cando se inclúen medidas adicionais e innovadoras, como a prevención de residuos na fonte, a redución das emisións pode chegar ata o 20%.
• Segundo Fazla, se España aplicase a xerarquía do desperdicio e as súas directivas, podería reducir o desperdicio de alimentos nun 50% por persoa e nun 20% na produción e as cadeas de subministración, tomando como referencia o ano 2020.

Fonte: Residuos Profesional

Imaxe: Pixabay