• A FAO calcula que este fenómeno xera 3.300 millóns de toneladas de CO2
• O punto 12 dos ODS, que fai referencia á produción e ao consumo responsable, ten como unha das súas principais metas reducir á metade o desperdicio de alimentos en todas as súas fases para 2030
• Durante o ano 2020 desperdiciáronse en España, no ámbito doméstico, 1.363 millóns de quilos de alimentos

Cerceda, a 10 de novembro de 2022.- A FAO (Organización das Nacións Unidas para a Alimentación e a Agricultura) calcula que o desperdicio alimentario xera 3.300 millóns de toneladas de CO2 (entre o 8% e o 10% das emisións mundiais).

O punto 12 dos Obxectivos de Desenvolvemento Sostible (ODS), que fai referencia á produción e ao consumo responsables, ten como unha das súas principais metas reducir á metade o desperdicio de alimentos en todas as súas fases para 2030: desde a produción á comercialización e o consumo final, implicando a todos os elos da cadea.

Durante o ano 2020 desperdiciáronse nos fogares españois 1.363 millóns de quilos de alimentos. Só un de cada catro fogares non malgastou comida, coa particularidade de que ascenden a 1.038 millóns de quilos os alimentos que se tiran ao lixo sen tocarse. É o caso de produtos frescos tales como as froitas (32,1%), as verduras e hortalizas (13,6%) ou o pan (4,8%).

OITO CRAVES PARA REDUCIR O DESPERDICIO ALIMENTARIO

Os patróns de consumo son os causantes do malgaste de alimentos no ámbito doméstico. Con todo, introducindo pequenos cambios nos nosos hábitos de compra, poderíase mellorar a situación.

Desde Ametller Orixe destacan 8 consellos útiles:

1. Revisar a neveira a fin de non comprar alimentos que xa temos.

2. Planificar o menú semanal e adquirir unicamente o necesario.

3. Ir á compra sen fame. Un estudo elaborado polas universidades do Sur de Carolina e Minnesota demostrou que con fame gastamos un 60% máis. O motivo é que adquirimos produtos que non necesitamos.

4. Dar prioridade a alimentos con data de vencemento próxima. Normalmente están situados en primeira fila do andel ou as neveiras, e son aptos para o consumo. A única diferenza é que hai que consumilos antes. Con isto evítase un 5% do desperdicio alimentario.

5. A orde e a limpeza do frigorífico son fundamentais. Cada apartado está destinado a un tipo de produto. Por exemplo, os pratos cociñados van na parte máis alta e a froita e a verdura nos caixóns.

6. Reaproveitar as sobras para elaborar novos menús e evitar que acaben no lixo.

7. Calcular as racións e non deixarnos arrastrar polo famoso “mellor que sobre”. É importante cociñar o que imos comer e, se ao final sobra moito, existen opcións como reaproveitarlo ao día seguinte ou ben conxelalo.

8. Controlar as etiquetas. En Europa refúganse 8,8 millóns de toneladas de alimentos porque pasou a data de caducidade ou a de consumo preferente.

Fonte: Gestores de Residuos

Imaxe: Pixabay