• Para abundar neste cambio de tendencia, o centro tecnolóxico AINIA organizou unha xornada de innovación virtual que se celebrará mañá, 7 de outubro, entre as 10:00 e as 13:30 horas.
• A través deste evento achegarase unha visión xeral sobre os retos que enfronta o papel e cartón, contando para isto coa participación de entidades tales como ASPAPEL, REPACAR, Universidade de Zaragoza, ECOEMBES e ROLER.

Cerceda, a 6 de outubro de 2021.- Os envases de papel/cartón están a acceder ao sector da alimentación como alternativa a outros formatos. Para abundar neste cambio de tendencia, o centro tecnolóxico AINIA organizou unha xornada de innovación virtual “A innovación do papel/cartón como alternativa no envase alimentario”, que se celebrará mañá, 7 de outubro, entre as 10:00 e as 13:30 horas.

A través deste evento achegarase unha visión xeral sobre os retos que enfronta o papel e cartón, contando para isto coa participación de entidades tales como ASPAPEL, REPACAR, Universidade de Zaragoza, ECOEMBES e  ROLER.

Entre outras temáticas, falarase do sector do papel na alimentación, dos novos obxectivos na reciclabilidade dos envases elaborados con este material, da súa aptitude e comportamento en contacto cos alimentos e das tendencias no envasado dos mesmos. Exporase tamén un caso de éxito na industria alimentaria.

Baixo a coordinación de Concha Bosch, da área de Tecnoloxías de Envases de  AINIA, contarase coa participación de Mª José Gutiérrez, Responsable de Información e Calidade de  ASPAPEL, quen dará unha visión xeral do sector do papel na alimentación, tomando como referencia a Lei de Residuos e Solos Contaminados; Manuel Domínguez, Director Xeral de  REPACAR, que se fará eco dos novos retos da reciclabilidade dos envases de cartón; Cristina  Nerín, Catedrática de Química Analítica da Universidade de Zaragoza, encargada de expoñer a aptitude do papel/cartón para o contacto con alimentos; e Álvaro Díez, do Observatorio do Envase  Ecoembes/AINIA, quen disertará sobre as tendencias no envasado de alimentos con papel e cartón.

As intervencións culminarán coa exposición dun caso de éxito na industria alimentaria, a cargo de Mariona San José, Técnica de Deseño e Sostibilidade de  ROLER.

Con carácter previo á mesa redonda, Pablo Serrano, Secretario Xeral de ASPACK e Asesor de Desenvolvemento de Proxectos en  AIFEC, incidirá na importancia do envase de cartón e a etiqueta de papel na industria da alimentación.

SOBRE AINIA

AINIA é un centro tecnolóxico constituído en 1987 como asociación privada sen fins lucrativos. Con 30 anos de experiencia, o seu labor focalízase no impulso da competitividade das empresas a través da innovación.

É un dos centros tecnolóxicos europeos con maior base social empresarial, con máis de 700 empresas asociadas e 1.300 clientes.

Fonte:  AINIA

Imaxe:  Pexels