• Con este plan, Ecovidrio agarda incrementar a recollida selectiva de envases de vidro no sector HORECA ata case un millón e medio de toneladas de envases de vidro no período 2023-2025

Cerceda, a 14 de febreiro de 2024.- Durante o ano 2023, Ecovidrio redobrou esforzos na canle HORECA, destacando o plan estratéxico EcoVares, subscrito por Hostalería de España, co que logrou situar a media nacional de establecementos recicladores declarados no 74%, dous puntos porcentuais por riba dos obxectivos fixados para 2023.

Na súa aposta por adaptarse ás necesidades específicas da canle, a entidade reforzou tamén a súa infraestrutura de rúa coa instalación de case 3.500 novos contedores adaptados e entregou de forma gratuíta máis de 24.000 cubos adaptados para facilitar o almacenamento e o transporte seguro ata o contedor e fomentar así a correcta reciclaxe. Ademais, realizou a recollida de residuos porta a porta en 54 cidades con zonas de gran concentración de establecementos e de difícil acceso para as frotas de recollida.

600 campañas e máis de 100.000 visitas a hostaleiros

Só en 2023, Ecovidrio puxo en marcha preto de 600 campañas, en estreita colaboración cos concellos, para garantir o cumprimento das ordenanzas municipais que establecen a obrigatoriedade de separar os residuos en orixe para os grandes xeradores.

Ademais, a entidade realizou máis de 100.000 visitas físicas, unhas 300 ao día, aos establecementos hostaleiros do noso país xeradores de vidro para informarlles, formarlles en materia ambiental e acompañalos no cumprimento da nova lexislación.

A dixitalización e o uso de técnicas de intelixencia artificial é outro dos piares de EcoVares. Ecovidrio puxo ao servizo da hostalería as súas capacidades tecnolóxicas e de analítica de datos para aplicar medidas correctoras alí onde sexa necesario. Hoxe en día, a organización ten acceso aos datos diarios de recollida dos máis de 245.000 contedores verdes postos en rúa, os datos vinculados aos hábitos do sector recollidos na aplicación dixital EcoVares que usa o equipo sobre o terreo e as incidencias reportadas a través de teléfono e WhatsApp. Estes datos, grazas ao uso de técnicas de intelixencia artificial, crúzanse con variables socioeconómicas, demográficas e de consumo para detectar as necesidades de contenerización por zonas, barrios e mesmo unidades censuais do noso país, optimizar as frecuencias de recollida, adaptar os plans intensivos que se poñen en marcha durante o ano e levar a cabo acciones de gran impacto.

O plan Ecovares contempla un investimento de máis de 80 millóns de euros para incrementar a porcentaxe de establecementos recicladores declarados ata o 76% en 2025.

O sector hostaleiro, referente en circularidade 

A hostalería xera preto do 50% dos envases de vidro dun só uso que se poñen no mercado e que hai que reciclar e, como media, un só establecemento hostaleiro xera ao día 23 envases fronte aos 0,5 envases que xera un fogar.

Estas cifras poñen de manifesto a importancia da súa colaboración para lograr os novos obxectivos de reciclaxe de residuos municipais que establece a nova lexislación de alomenos o 55% para 2025, o 60% para 2030 e o 65% para 2035.

Con este plan, Ecovidrio espera incrementar a recollida selectiva de envases de vidro no sector HORECA ata case un millón e medio de toneladas de envases de vidro durante o período 2023-2025. Desta maneira, grazas ao vidro reciclado, a evitar a emisión de 805.620 toneladas de CO2 á atmosfera ou aforrar uns 992.023 MWh de enerxía.

Fonte e imaxe: IndustriAmbiente