• Financiado polo CDTI, no marco do programa de proxectos estratéxicos CIEN, conta cun orzamento asignado de 5,7 millóns de euros.
• O obxectivo desta iniciativa, na que participa activamente o centro tecnolóxico do plástico AIMPLAS, é incrementar  a capacidade innovadora da industria agroalimentaria a través de novos procesos e produtos de maior valor engadido, e potenciar ao mesmo tempo o desenvolvemento de sectores emerxentes e de alto contido tecnolóxico como é o caso da impresora 3D de alimentos.
• Entre as entidades participantes atópanse as Universidades de Vigo e de Santiago de Compostela.

Cerceda, a 9 de xullo de 2019.- O proxecto “TECFOOD: novos alimentos tecnolóxicos saudables para as novas necesidades sociais”, financiado polo CDTI no marco do programa de proxectos estratéxicos CIEN, e cun orzamento asignado de 5,7 millóns de euros, completou con éxito o seu primeiro ano de andaina.

O obxectivo desta iniciativa, na que participa activamente o centro tecnolóxico do plástico AIMPLAS, é incrementar  a capacidade innovadora da industria agroalimentaria a través de novos procesos e produtos de maior valor engadido e potenciar ao mesmo tempo o desenvolvemento de sectores emerxentes e de alto contido tecnolóxico como é o caso de  a impresora 3D de alimentos.

Liderado por UVESA, o proxecto conta coa participación de firmas tales como INDUKERN, NATURAL MACHINES, CLUN COOP. LACTEAS UNIDAS, DCOOP, CONGELADOS NORIBERICA e ITC PACKAGING.

Así mesmo, forman parte desta iniciativa dúas Universidades galegas (A Universidade de Vigo e a Universidade de Santiago de Compostela), ademais doutras entidades públicas de investigación (TECNALIA, LEITAT, CTIC-CITA, ANFACO CECOPESCA, a UNIVERSIDADE AUTÓNOMA de BARCELONA e o CENTRO TECNOLÓXICO DE CATALUÑA EURECAT)

Na primeira fase do proxecto, desenvolvéronse cápsulas que conterán e protexerán o produto cun deseño que servirá para a impresión de alimentos na impresora 3D Foodini, coa particularidade de que serán cápsulas fabricadas con materiais compostables, erixíndose nunha solución de envase sostible dotado de tecnoloxía avanzada no plano das comunicacións   e funcionalidades como barreira ao osíxeno.

A función de AIMPLAS está orientada cara á selección de materiais e o desenvolvemento de etiquetas IML compostables e con propiedades barreira, ademais de validar o deseño das novas cápsulas.

As entidades restantes avanzaron tamén nas súas tarefas. UVESA está centrada na innovación vinculada aos aspectos nutricionais dos seus produtos, ademais de investigar unha nova liña apta para a impresión 3D. Pola súa banda, INDUKERN realizou un estudo sobre as deficiencias nutricionais das persoas de idade avanzada e como poder diminuílas, e desenvolveu unha gominola sen azucre enriquecido en minerais imprimible en 3D.

Así mesmo, NATURAL MACHINES (NM) colaborou coas empresas alimentarias participantes para a adaptación e optimización dos seus produtos e ingredientes á impresión 3D de Foodini.

Entre outras tarefas, CLUN COOP. LACTEAS UNIDAS están traballando para obter un xelificante a partir de nanotubos de α-lactoalbúmina e na súa aplicación ao desenvolvemento de alimentos lácteos con novas texturas, aptos para a preparación de menús mediante impresión 3D.

Fonte e imaxe: AIMPLAS

Saúdos, Departamento de Comunicación