• TNU lémbranos que un pneumático pode tardar ata 1.000 anos en desaparecer, de aí a necesidade de que reciban unha correcta xestión e formen parte dun modelo de economía circular

Cerceda, a 12 de xuño de 2023.- Tal e como se puxo de relevo o pasado 8 de xuño, con motivo do Día Mundial dos Océanos, estes, non só son o fogar de milleiros de especies mariñas, senón tamén o provedor principal de osíxeno no planeta Terra, xogando un papel determinante no equilibrio ambiental e na regulación do clima.

Segundo TNU, máis de 200.000 toneladas de pneumáticos usados refúganse cada ano en España, 3,5 millóns en Europa e 25 millóns en todo o mundo. Se non son se reciclan e se abandonan na natureza, poden ocasionar un grave impacto ambiental. É por isto que a súa correcta xestión evita que acaben abandonados en contornas naturais terrestres, en mares e océanos, poñendo en perigo a saúde dos ecosistemas acuáticos e a supervivencia da fauna mariña. Neste sentido, é preciso lembrar que un pneumático pode tardar ata 1.000 anos en desaparecer.

Aínda que o 60% dos pneumáticos se compoña de caucho, tamén conteñen fibras téxtiles de nylon e aceiro, mesturados de maneira practicamente indisoluble coa goma e aditivos tóxicos como o xofre e o carbón negro que poden prexudicar gravemente ao medio mariño debido ao desprendemento continuo dos devanditos tóxicos.

Os pneumáticos deben formar parte dun modelo de economía circular, xa que os seus materiais poden ser aproveitados na súa totalidade, minimizando a xeración de residuos e fomentando o aforro de enerxía e a redución de uso de materia primas.

Fonte e imaxe: TNU