![Un estudio de la EEA asegura que existe potencial para duplicar el reciclaje de ciertos flujos de residuos Un estudio de la EEA asegura que existe potencial para duplicar el reciclaje de ciertos flujos de residuos](/sites/default/files/noticias/image/2022-08/Cubo%2520basura%2520imagen.jpg)
- O documento incide na necesidade de implementar de forma decidida as medidas que apoien os obxectivos de reciclaxe establecidos na lexislación comunitaria.
Cerceda, a 15 de xullo de 2020.- Segundo un informe da Axencia Europea de Medio Ambiente (EEA), barreiras económicas, técnicas e normativas obstaculizan a posibilidade de alcanzar maiores taxas de reciclado na UE. É o caso dos baixos prezos das materias virxes, a capacidade de reciclaxe e a complexidade de certos produtos.
O documento incide na necesidade de implementar de forma decidida as medidas que apoien os obxectivos de reciclaxe establecidos na lexislación comunitaria, coa particularidade de que o desenvolvemento de novas accoçpms políticas, algunhas das cales están incluídas no plan de economía circular 2020 da UE, tamén pode axudar a aumentar os índices de reciclado.
Tomando como referencia as cifras actuais de recuperación, o informe asegura que existe potencial para duplicar a reciclaxe de residuos municipais e electrónicos, e aumentala, nun 30%, no caso dos refugallos de construción e demolición.
Non obstante, as cantidades recicladas destes tres fluxos de residuos aumentaron nos últimos anos. As directivas da UE, como a Directiva marco sobre residuos e a Directiva sobre residuos de aparellos eléctricos e electrónicos (RAEE), impulsaron este incremento.
O novo marco de política de economía circular esixe manter os materiais na economía o maior tempo posible e o seu valor o máis alto posible. O obxectivo actual de reciclaxe do 65% dos residuos municipais para 2035 ten como meta explotar gran parte do potencial de recuperación deste fluxo de residuos.
Informe: «The case for increased recycling: estimating the potential for recycling in Europe ».
Fonte: Residuos Profesional
Imaxe: Pixabay