• Con tal fin, desenvolverá ferramentas 4.0 para consolidar novas cadeas de reciclaxe e reutilización de redes de pesca usadas

• Segundo datos da UICN, os residuos mariños duplicaranse para o ano 2040, concentrando as artes de pesca a maior fonte de contaminación plástica que existe nos océanos

Cerceda, a 14 de maio de 2024.- Un proxecto de innovación colaborativa “Birsare”, no que participa o Centro Español de Plásticos (CEP), desenvolverá ferramentas 4.0 para promover a circularidade dos residuos plásticos mariños, buscando consolidar novas cadeas de reciclaxe e reutilización de redes de pesca usadas.

Segundo datos da Unión Internacional para a Conservación da Natureza (UICN), os residuos mariños duplicaranse para o ano 2040, concentrando as artes de pesca a maior fonte de contaminación plástica que existe nos océanos. Neste marco, Birsare contempla a creación dun método sistemático e cuantitativo para avaliar o impacto ambiental do plástico das redes de pesca usadas, así como unha plataforma de rastrexabilidade para identificar e facer seguimento dos materiais a través dos distintos procesos que interveñen na recollida e reciclaxe destes residuos.

Igualmente, prevé formular un novo produto seguindo a norma UNE EN 15343:2008 e baseado en residuos de redes mariñas. Será un material a partir do cal se fabricarán novos compoñentes circulares para os sectores  da automoción e mobiliario.

Ademais do CEP, no proxecto participan Aclima, Leartiker, MIK, Birziplastik, e Plásticos Clossa.

Fonte: Mundoplast

Imaxe: Pixabay