- O estudo mostrou como as correntes de augas profundas actúan a modo de cintas transportadoras, levando pequenos fragmentos de plástico e fibras.
- Os microplásticos do fondo mariño compóñense principalmente de fibras téxtis, que non se filtran de forma correcta nas plantas de tratamento de augas residuales domésticas e entran fácilmente en ríos e océanos.
Cerceda, a 4 de xuño de 2020.- Máis de 10 millóns de toneladas de refugallos plásticos chegan aos océanos cada ano. Unha investigación realizada pola Universidade de Manchester (Reino Unido), o Centro Nacional de Oceanografía (Reino Unido), a Universidade de Bremen (Alemaña), IFREMER (Francia) e a Universidade de Durham (Reino Unido), e publicada na revista 'Science', revelou os niveis máis altos de microplásticos xamais rexistrados no fondo mariño, con ata 1,9 millóns de pezas nunha capa delgada que cobre só 1 metro cadrado.
O estudo mostrou como as correntes de augas profundas actúan a modo de cintas transportadoras, levando consigo pequenos fragmentos de plástico e fibras. Estas correntes poden concentrar microplásticos dentro de grandes acumulacións de sedimentos, que denominaron 'puntos quentes de microplásticos' e que están conformados principalmente por fibras de téxtis e prendas de vestir. Estas non se filtran de forma correcta nas plantas de tratamento de augas residuis domésticas e entran fácilmente en ríos e océanos.
No océano, os microplásticos aséntanse lentamente ou ben son transportados rápidamente por correntes de turbidez episódicas ata o fondo mariño profundo. Unha vez alí, recóllense e transpórtanse polas correntes que flúen continuamente ('correntes de fondo') e que poden concentrar preferentemente fibras e fragmentos dentro de grandes correntes de sedimentos.
Este estudo proporciona o primeiro vínculo directo entre o comportamento destas correntes e as concentracións de microplásticos do fondo mariño, e os achados axudarán a predecir a ubicación doutros puntos críticos de microplásticos en augas profundas e o seu impacto sobre a vida mariña.
Fonte: Ecoticias
Imaxe: Pixabay
