• Liderado e coordinado polo centro tecnolóxico AZTI, o obxectivo de Life-ECOFFEED é desenvolver, demostrar e implementar a escala real unha solución innovadora e sostible para a recuperación do pouso de café como ingrediente alternativo para alimento de gando vacuno e ovino produtor de leite. 
• As probas preliminares de eficiencia nutricional con dietas experimentais que inclúen pouso de café (ata un 10% de inclusión) constataron o seu carácter nutritivo e seguro.
• Así mesmo, a iniciativa contribúe a minimizar o impacto medioambiental dos residuos do sector HORECA, a un uso máis eficiente dos recursos e a reducir os gases de efecto invernadoiro responsables do cambio climático.

Cerceda, a 3 de febreiro de 2021.- Cada ano consúmense na Unión Europea 2,67 millóns de toneladas de café, xerando grandes cantidades de residuos como son os pousos ou as cápsulas.

Pola súa banda, o sector gandeiro, que actualmente depende moito do mercado da fariña de soia ou do cereal, necesita novos ingredientes nas súas dietas para garantir a súa sostibilidade futura.

Neste escenario xéstase o proxecto de economía circular Life-ECOFFEED. Liderado e coordinado polo centro tecnolóxico AZTI, busca valorizar o pouso de café que se produce no sector HORECA (hoteis, restaurantes e cafeterías) como ingrediente alternativo en dietas de gando vacuno e ovino produtor de leite.

OBXECTIVOS E RETOS

O obxectivo desta iniciativa de economía circular é desenvolver, demostrar e implementar a escala real unha solución innovadora coa que contribuír, por unha banda, a minimizar os impactos ambientais dos residuos orgánicos no medio ambiente (neste caso os pousos de café), e, por outro, a promover un uso máis eficiente dos recursos ao ofertar unha nova materia prima máis sostibl, ao sector gandeiro. Ademais, todo isto permitirá reducir os gases de efecto invernadoiro responsables do cambio climático.

David San Martin, experto en cadea alimentaria eficiente e sostible de AZTI, e responsable do proxecto, manifestou que a pretensión é “Poñer en valor o pouso de café que se xera na hostalería pola súa idoneidade para a alimentación animal. Con todo, actualmente non é posible facer o mesmo cos subprodutos que se xeran no fogar, xa que, hoxe en día, non cumpren os requisitos hixiénicos necesarios e son xestionados como residuos sólidos municipais”.

Os retos principais de Life-ECOFFEED diríxense cara á definición dun sistema loxístico eficiente e seguro a nivel hixiénico para a recolección dos pousos de café no sector HORECA e a súa adecuación como ingrediente seguro e saudable para a elaboración de piensos destinados a vacas e ovellas produtoras de leite.

“En probas preliminares de eficiencia nutricional con dietas experimentais que inclúen pouso de café (ata un 10% de inclusión) non se atoparon diferenzas significativas na taxa de alimentación ou o comportamento dos animais, nin na cantidade ou o contido de graxa de o leite producido”, sinala San Martín.

O proxecto, que arrincou o pasado mes setembro, finalizará en marzo de 2024. Está financiado nun 55% polo programa europeo LIFE Environment and Resource Efficiency

Fonte e imaxe: AZTI