![Un porcentaje cada vez mayor de europeos tiene en cuenta el impacto ambiental de sus compras Un porcentaje cada vez mayor de europeos tiene en cuenta el impacto ambiental de sus compras](/sites/default/files/noticias/image/2022-08/Tienda.jpg)
- Así se recolle na edición 2019 do Cadro de Indicadores relativos a Consumidores, publicado o pasado mes por parte da Comisión Europea.
- Os máis conscientes desde a perspectiva ambientalson os países meridionais (59%) e orientais (5%).
- Máis dun 70% dos consumidores confía en que os minoristas respecten os seus dereitos e, á súa vez, máis dun 70 % dos minoristas mostrase convencido que é fácil cumprir a normativa en materia de consumo.
- As compras online situáronse en torno ao 60% en 2018 e seguen progresando, dando preferencia ás nacionais fronte ás transfronteirizas.
Cerceda, a 11 de decembro de 2019.- No marco da edición 2019 do Cadro de Indicadores relativos aos Consumidores, publicado o pasado mes pola Comisión Europea, dedúcese que, en termos xerais, os cidadáns son máis conscientes da súa pegada ambiental e que as normas no ámbito do consumo infunden confianza no mercado.
Neste sentido, a comisaria de Xustiza, Consumidores e Igualdade de Xénero da UE, Vera Jourová, anima aos consumidores, especialmente agora que se aveciñan as festas navideñas, a que se dirixan a comerciantes de confianza, coñezan os seus dereitos e compren sempre de xeito responsable.
Entre as conclusións deste cadro de indicadores, cabería destacar que, nun escenario de maior conciencia social sobre o cambio climático e a contaminación por plásticos, unha proporción cada vez maior de consumidores da UE ten en conta o impacto ambiental das súas compras. Os máis conscientes neste eido son os países meridionais (59%) e orientais (57%). Non obstante, continúa a ser significativa a diferenza entre o país con maior puntuación (Suecia, co 71%) e o país con menor puntuación (Croacia, co 53%).
Máis dun 70% dos consumidores da UE confía en que os minoristas respecten os seus dereitos e, á súa vez, máis dun 70 % dos minoristas considera que é fácil cumprir a normativa en materia de consumo. Así mesmo, o 71% opina que son fiables as alegacións ecolóxicas dos produtos ou servizos do seu sector. A maioría avalía de forma positiva a aplicación no seu sector da normativa en materia de protección dos consumidores e de seguridade dos produtos. As puntuacións máis altas refírense á aplicación da lexislación sobre seguridade dos produtos: tres cuartas partes dos minoristas aprecian o labor de supervisión das autoridades públicas.
Pola súa banda, as compras online situáronse en torno ao 60% en 2018 e continúan a progresar pese a grandes disparidades: dun 84% en Dinamarca a un 20% en Rumanía e Bulgaria aproximadamente. Agora ben, a confianza dos consumidores á hora de efectuar compras transfronteirizas noutros países da UE (48%) é claramente inferior á que manifestan nas compras en liña nacionais.
Fonte: Retema
Imaxe: Pixabay
Saúdos, Departamento de Comunicación