• Se ben a evolución do COVID-19 marcará  as pautas a seguir pola comunidade educativa, de acordo coas instrucións das autoridades sanitarias en cada momento,  Sogama faise eco dunha serie de recomendacións básicas para que a incorporación ao ámbito escolar sexa o máis sostible posible.

Cerceda, a 23 de setembro de 2020.- A volta ao cole xa está aquí e, aínda que a evolución do COVID-19 marcará  as pautas a seguir pola comunidade educativa, de acordo coas instrucións das autoridades sanitarias en cada momento,  convén ter en conta unha serie de recomendacións básicas para que a incorporación ao ámbito escolar sexa o máis sostible posible.

• Revisar o material do pasado curso académico a fin de aproveitar o que aínda teña utilidade. Seguro que hai moitas cousas que se conservan en bo estado e ás que se pode sacar rendemento sen necesidade de comprar outras novas.
• Aproveitar libros de texto de segunda man a través de familiares, coñecidos, plataformas online e o clásico trueque. 
• Reemprazar os tradicionais forros plásticos para libros e buscar alternativas sostibles con tea, papel de xornal, papel de agasallo usado ou papel de embalar.
• Dar unha segunda vida aos uniformes de anos anteriores, de irmáns maiores ou coñecidos.  Tamén aquí o mercado de segunda man pode ofrecer interesantes oportunidades.
• Restaurar a carteira ou mochila e o estuche do ano anterior. Só fai falta un pouco de enxeño e creatividade. O toque persoal e exclusivo está garantido.  De non ser posible, adquirir accesorios ecolóxicos e sostibles.
• De precisar novos artigos de estudo, optar polos reutilizables e, na medida do posible, fabricados con materiais naturais, evitando o consumo de plástico.
• Priorizar unha alimentación sa e saudable, rica en verduras, froitas, legumes, lácteos e hortalizas, e deixar de lado a bollería industrial.
• Para levar a merenda e o tentempié de media mañá, apostar por alternativas intelixentes de envasado: bolsas de tea, fiambreIras ou prácticos envoltorios reutilizables, impermeables, fáciles de lavar e axustables.
• Levar á vida cotiá a práctica efectiva dos tres erres (reducir, reutilizar e reciclar).
• Separar os refugallos en orixe e depositar cada tipoloxía no contedor correspondente.
• Os novos residuos hixiénico-sanitarios tales como máscaras e luvas desbotables, deben introducirse no contedor verde convencional, xunto coa fracción resto. Pola súa banda, os envases de xel hidroalcohólico, no amarelo.
• Dar preferencia aos medios de transporte alternativos ao vehículo privado: camiñar, transporte público ou intentar compartir coche con outras familias do colexio.

 http://www.sogama.gal/sites/default/files/Volta%20ao%20cole%202020%20GAL.pdf

Saúdos, Departamento de Comunicación